ප්රංශයේ ශ්රී ලංකා ප්රජාතාන්ත්රික සමාජවාදී ජනරජයේ තානාපති කාර්යාලය
பிரான்சிலுள்ள இலங்கை ஜனநாயக சோசலிச குடியரசின் தூதரகம்
Embassy of the Democratic Socialist Republic of Sri Lanka in France
පොලිස් නිෂ්කාශන සහතිකය (පොලිස් වාර්තාව)
පොලිස් නිෂ්කාශන සහතිකයක් ලබා ගැනීමේ ක්රියා පටිපාටිය කුමක්ද?
ප්රංශයේ සහ මෙම තානාපති කාර්යාලයට සමගාමීව අක්තපත්ර ලබාදී ඇති ස්පාඤ්ඤය, පෘතුගාලය, මොනාකෝ සහ ඇන්ඩෝරා යන රටවල පරම්පරාවෙන් හෝ ලියාපදිංචියෙන් ශ්රී ලාංකික පුරවැසියෙකු වන ඕනෑම පුද්ගලයෙකුට ප්රංශයේ පැරිසියේ ශ්රී ලංකා තානාපති කාර්යාලය හරහා ශ්රී ලංකාවේ ජීවත් වූ කාලය සඳහා ශ්රී ලංකාවේ පොලිස් දෙපාර්තමේන්තුවෙන් පොලිස් නිෂ්කාශන සහතිකයක් සඳහා ඉල්ලුම් කළ හැකිය. තානාපති කාර්යාලය මෙම අයදුම්පත ශ්රී ලංකාවේ පොලිස් දෙපාර්තමේන්තුවට යොමු කරනු ඇත.
විදේශයන්හි ජීවත්වන ශ්රී ලාංකික ජාතිකයින්ට පොලිස් නිෂ්කාශන සහතිකයක් සඳහා වන ඉල්ලීම පොලිස්පති, පොලිස් මූලස්ථානය, කොළඹ 01, ශ්රී ලංකාව වෙත සෘජුවම ඉදිරිපත් කළ හැකිය, නැතහොත් www.police.lk නිල වෙබ් අඩවිය හරහා අයදුම් කළ හැකිය. එවැනි අවස්ථාවන්හිදී පොලිස් නිෂ්කාශන සහතිකය අයදුම්කරු වෙත සෘජුවම යවනු ඇත.
ශ්රී ලංකා තානාපති කාර්යාලය හරහා ඔබට පහසු පරිදි පහතින් සඳහන් එක් අයුරකින් පොලිස් නිෂ්කාශන සහතිකයක් ලබා ගැනීම සඳහා අයදුම් කිරීමට හැකියාව ඇත.
- Embassy of Sri Lanka in France,16 Rue Spontini, 75016 Paris හි පිහිටි ප්රංශයේ ශ්රී ලංකා තානාපති කාර්යාලයට පෞද්ගලිකව පැමිණීමෙන්,
- අවශ්ය සියලුම ලියකියවිලි Embassy of Sri Lanka in France, 16 Rue Spontini, 75016 Paris යන ලිපිනය වෙත තැපෑලෙන් එවීමෙන්,
අයදුම්පත ඉදිරිපත් කළ යුතු ක්රියාවලිය සහ ඊට අදාළ ලේඛන:
- පොලිස් නිෂ්කාශන සහතිකය සඳහා අයදුම්පත
- මූලික (Original) ශ්රී ලාංකික ගමන් බලපත්රය සහ දත්ත පිටුවේ ඡායා පිටපතක්
- මූලික සංක්රමණික පදිංචි වීසා සහ ඡායා පිටපතක්
- දැනට ඔබ සතුව ඇත්නම් පමණක් මූලික ජාතික හැඳුනුම්පත සහ ඡායා පිටපතක්
අදාළ ගාස්තු:
පොලිස් නිෂ්කාශන අයදුම්පතක් සඳහා රජයේ ගාස්තුව €16
ගෙවීම් සහ ක්රමවේදය:
අයදුම්කරු භෞතිකව තානාපති කාර්යාලයට පැමිණෙන්නේ නම්, ඔහුට/ඇයට මුදල් ගෙවිය හැකිය. සටහන: ක්රෙඩිට්/ඩෙබිට් කාඩ්පත් සහ පුද්ගලික හෝ සමාගම් චෙක්පත් පිළිගනු නොලැබේ.
විශේෂ සටහන්:
- නිල කුවිතාන්සියක් නිකුත් කිරීමෙන් පසු කිසිදු තත්වයක් යටතේ ගාස්තු ආපසු ගෙවනු නොලැබේ.
- පරිවර්තන මුල් පිටපත් ලෙස පිළිගනු නොලැබේ.
- සියලුම ඡායා පිටපත් A4 ප්රමාණයේ කඩදාසිවල තිබිය යුතුය.
- තානාපති කාර්යාලය ලේඛන සහතික කර මුල් පිටපත් අයදුම්කරුට ආපසු ලබා දෙනු ඇත.
අයදුම්පත්ර ක්රියාවලියේ ප්රමාදය වළක්වා ගැනීම සඳහා කරුණාකර පහත සඳහන් කරුණු කෙරෙහි අවධානය යොමු කරන්න.
- ජාතික හැඳුනුම්පත හෝ විදේශ ගමන් බලපත්රය අනුව අයදුම්කරුගේ නම අයදුම්පතෙහි නිවැරදිව සඳහන් කළ යුතුය.
- ජාතික හැඳුනුම්පත් අංකය හෝ විදේශ ගමන් බලපත්ර අංකය සමඟ වාර්තා පරීක්ෂාව සිදු කරන බැවින් මෙය අනිවාර්ය වේ.
- සියලුම ලේඛනවල ජාතික හැඳුනුම්පත් අංකය සහ උපන් දිනය නිවැරදිව සඳහන් කළ යුතුය.
- ජාතික හැඳුනුම්පත් අංකය සහ උපන්දිනය වාර්තා පරීක්ෂාව අතරතුර අනවශ්ය ප්රමාදයන් වළක්වා ගත හැකිය.
- අයදුම්පත්රයේ සපයා ඇති ශ්රී ලංකාවේ පදිංචි ස්ථානය පිළිබඳ විස්තර නිවැරදි විය යුතුය.
- පොලිස් නිෂ්කාශන සහතිකය නිකුත් කරනු ලබන්නේ අදාළ රජයේ සංක්රමණ (Immigration) බලධාරීන් වෙත ඉදිරිපත් කිරීම සඳහා පමණක් වන අතර, එය ශ්රී ලංකා විදේශ කටයුතු අමාත්යාංශය මඟින් සහතික කරනු ලැබේ. එබැවින්, අයදුම්පත්රයේ 8 සහ 9 වන කොටස්වල තානාපති කාර්යාලයේ නම සහ ලිපිනය නිවැරදිව සඳහන් කළ යුතුය.
- අයදුම්කරුගේ දුරකථන අංකය සහ විද්යුත් තැපැල් ලිපිනය (E-mail) ඇතුළු සම්බන්ධතා තොරතුරු නිවැරදිව සඳහන් කිරීම අත්යවශ්ය වේ. යම් පැහැදිලි කිරීමක් අවශ්ය වන අවස්ථාවකදී, පොලිස් නිෂ්කාශන අංශයට අයදුම්කරු සමඟ සම්බන්ධ වීමට මෙය පහසු වේ.
- ස්කෑන් කරන ලද ලේඛනවල ඡායා පිටපත් හෝ ඡායා පිටපත් කරන ලද අයදුම්පත් භාර නොගනු ලැබේ.
- අයදුම්පත අයදුම්කරු විසින් අත්සන් කර තිබිය යුතුය.
- අවශ්ය අවස්ථාවලදී ඔබ සමඟ කඩිනමින් සම්බන්ධ විය හැකි වන පරිදි, කරුණාකර ඔබගේ සම්බන්ධතා තොරතුරු මෙම තානාපති කාර්යාලයට ලබා දෙන්න.